本文章所属钓区：广东(726)

　　前日去从化订左成万条鱼苗，四大家鱼勿都有D.寻日卖鱼佬阿崔用摩托送左去我既山塘。

　　今日一早我就揸住架烂鬼面包车，因为近排个天成日落大雨，林场果条路烂到七彩！

　　阿发两公婆去左开工，欧鼻仔又唔得闲，我一支公“昂居居”系塘边钓鱼。无几耐，阿发收工，我去宿舍出粮比距。

　　翻埋个钓位，发现唔见左把太阳遮，初时以为D风吹左落塘，阿发稳支长竹“了”左好耐都“了”唔到，我用海竿打出去亦沟唔到。

　　“唔通比人偷左？”我同阿发讲，“系都唔出奇”。但系边个会甘白痴偷果把烂鬼遮吖？

　　食完饭，换个钓位，“咦”！前便十几米处隐约睇见好似“遮”角既物体。企起身望真D，“唔通把遮可以比D风吹得甘远？”

　　“点摞翻上厘哩？”抓下个“酸姜乔”，没勿好计。唯有落水啦！但无替换衫裤，点办？

　　左觊右觊，见四野无人，中午时分，个个去晒驯觉，鬼影都唔多只。一于除晒衫裤，赤身露体，成只光猪仔甘“捐”落个塘。

　　落左塘先知“大锅”，原来个塘好多“骑拿”（马蟥），都已经落左厘，段无翻翻上去甘“衰仔”架？死就死啦！搏命游到果个怀疑系“遮”既物体，一摸，“哈”！真系！“拿拿声”拖到堤边，觊清楚周围仲未有人，“出”一声标左上岸，“擒擒青”着翻D衫裤，最紧要系检查个“罗友”有无“立”住条“骑拿”，青靓白净，无有！松番淡起气。

　　各位看官，可能你觉得我哩条友好不雅，哩D甘既文章都写出厘献丑。但系你地有所不知，钓鱼我又“屎”过人，写文章好似讲野甘，无勿野文采。

　　虽然如此，我中意上“老”网，“老”网D文章我几乎睇晒，好多写得十分精彩，搞到我又想试下自己D文笔得唔得？不过唔使问都系唔得架啦！比番几个臭鸡蛋作为奖励都得挂？

　　本文地址：http://bbs.oldfisher.com/show_i13983.html

〖大 中 小〗〖关闭〗