本文章所属钓区：广东(1946)

　　寻日礼拜休息.一早同老马饮完茶.他说有事先走.剩低我孤令令一支公.唔知去边度好？“三番南”和“龟公得”来电话要我打牌.自从喜欢上钓鱼后.我都甚少打牌了.打牌厘味也.费时失事.浪废我宝贵的光阴.我已经推过无数次.果班损友仲系成日打电话烦我.唉！厘班烂赌鬼无得救了.中赌毒太深.但愿他们来生转世不要坠入十八层地狱.做左条鱼比我成日钓餐懵. 想起钓鱼.心就痒.虽然今日天气好冻.去钓鱼一定系自摸白板.但去郊外呼吸下新鲜空气.享受下大自然的宁静.坐在水边.洗涤下心中的烦闷.依的未尝唔系一种收获. 即刻去停车场开车.上内环路转入广汕公路.一路风弛电制.奇怪？平时塞车塞到“扑街”.今日却鬼死甘畅顺.一阵间就到左天簏湖的“龙腾山庄”.下车一睇.先至来左一架车.我真系早得交关. 取出竿袋.咩住行到塘边.静英英.鬼影都无只.天气冻.无鱼钓.果的钓鱼佬唔系个个都好似我甘白瘛.明知无鱼钓都来.不管三七二十一.稳个位置先. 一转弯.“咦”.莫道君行早.更有早来人“.一个25-26岁的妙龄女子.独坐塘边.一双略带伤感的眼睇住水中的漂.“奇哉怪也”.唔通依家的女子钓鱼仲发烧过的男子？唔理甘多.就近稳个位.摆好架步.打窝引鱼. 坐低无耐.果个靓女的吸引力实在大.我果只贼眼就唔安份了.不时飘过去.点知唔飘尤至可.一飘就番唔到转头.只见果位妙龄女子面如粉黛.柳叶眉.丹凤眼.鼻如悬胆.口若樱桃.头带翠绿钓鱼帽.乌黑闪亮的长发扎成条马尾.从帽后面果个窿捐出来.一身浅绿色的运动套装.脚穿名牌“耐克”鞋.英姿飒爽.同个大自然融为一体.清丽脱俗.令人看了心猿意马.想入菲菲.其实厘的都系我胡思乱想的老作.离甘鬼死远.边度睇得清楚吖？我厘个人就系唔睇得靓女.一见就三魂不见左七魄.好多男人都有甘的通病.但我厚面皮承认罢了. 睇下又想下.边度有心机钓鱼吖？唔好话的鱼不开口.就算开口都已经钓唔到鱼上来. 眼角瞟到果个佳人起竿.只见她苯手苯脚的鬼甘大力.果个鱼钩钩住上面果棵树.扯极都扯不下来.哇！机会难得.快步走上前.心里不断感激果棵树.也唔管果棵树会唔会断.依个系表现自己的大好机会.纵身一跳.好似只犸骝爬将上树.好采果棵树都几硬净.将个钩拆左落来.落树一睇.唉啊！不得了了.当堂晕得一阵阵！原来岩岩唔系我老作.企系我面前的直情系九天仙女下凡尘.去参加环球小姐竟选.唔摞第一凿我的头.那秋水一般深遽的双眸.睇到我骨头都酥埋.只听见一声“天外梵音”---“唔该晒”从果个樱桃小嘴里吐将出来.犹如天籁之声.凉砌心肺.厘个时候仲舍得走咩？借头借路话教她起竿.天南地北.加油添醋同她攀谈. 原来厘位女神一搬的女子.岩岩失恋.（她的前男友都唔知系勿野人.甘好的女朋友都抛弃.真系无阴功.）跟前男友经常去钓鱼.因此爱上左钓鱼.但系的钓技就系“有限公司”（麻麻地）.今日想起旧时同男友双双去郊外垂钓的欢乐时光.悲从中来.于是重回旧地.想重温一下旧日的温馨. 厘位红粉佳人芳名"WENDY"（云迪）.系一间外资企业任职.详细情形她唔讲.我亦唔方便问.不过睇她肌肤胜雪.仪态高贵.自己有车.穿的用的都系贵野.唔系家境富裕就系收入不菲.地位亦唔低得边度去. 唔知系唔系我的衰样生得几老实.又有些小白头发.外表斯斯文文.成个教授甘款.人又热心.所以云迪对我有些小好感.仲将她的电话号码比我.哇噻！厘下野搞到我好似中左大奖甘兴奋.厘世人甘大个仔都无识过如此美貌的女子.如果唔系今日机缘巧合.简直系发梦. 我好似梦游甘行番自己个位.点知一坐低.就如坐针毡.个屁股好似尖的一样.坐极都坐唔住.果支鱼竿.鱼漂好似透明甘.勿野都睇唔见.个心早又飞到隔离果度.鬼甘希望果只鱼钩又钩住棵树.又比我献一次欣勤甘就“VERY GOOD"了. 唔知系唔系我教得好.或者她的心情好左.我望极都唔见果只衰鱼钩钩住果棵树.无晒瘾. 有话则长.无话则短.转眼又日上三竿.周围左右隔离来了好多钓鱼客.吵喧巴闭.厘种环境边度适合我心目中的女神只见她收起鱼具.轻移莲步.风姿卓悦的从我身边走过.过左去仲回头对我焉然一笑.“拜拜！”哎呀！真摞命.我晕..........！ “伊人已远去.斯人独憔悴.”个肚子叽喱咕噜.饿了.就算唔饿亦无心机钓下去.收起架生.早的番屋企写篇钓鱼日记同各位分享.各位看官千祁唔好误会我系果的风流成性的家伙.甘就冤枉呀大老爷.我风流而不下流.爱美之心人皆有之.更何况系美中之最.花中之魁.原晾下啦！如果甘好彩约到云迪去钓鱼.到时再用心机写番篇日记与各位分享.

　　本文地址：http://bbs.oldfisher.com/show_i11600.html

〖大 中 小〗〖关闭〗